首頁 »
2017/10/05

*謝婷婷不願公開鷹眼關係:外國明星是這樣*

謝婷婷不願公開鷹眼關係外國明星是這樣





其實同鷹眼係咪已有共識喇?





婷婷話好鍾意學嘢!





去到美國都有搵鷹眼!





同場有楊采妮!





同鷹眼等大合照。

  藝人謝婷婷晚上出席活動時,透露現時仍然在洛衫磯和三藩市上學,揚言好喜歡返學,更講笑學不完,她說:「平日返學,周末就會探吓同學仔,我好鍾意返學,特別鍾意老師,係冇得學完,我有啲同學仔學咗八年,好開心,每次有唔同突破,自己都增值不少。」

  去到美國有見面

  她說不會長期留在美國生活,因好鍾意香港,一有時間便想過美國學習,若然有機會在美國發展更加好,問到會否叫緋聞男友荷里活男星「鷹眼」傑瑞米雷納(Jeremy Renner)幫手搭路?她說:「你知我唔叻呢樣嘢,如果我識嘅話,一早叫哥哥(謝霆鋒)幫手啦,(美國成日見Jeremy?)都有見,佢忙緊拍戲,自從首映後都有見過一次,大家食吓飯,(係咪dating緊?)唔係,(同佢乜關係?)都係朋友,(之前佢喺訪問度唔認你,話同你只係朋友?)我都話係朋友,係事實,唔會唔開心,完全冇嬲。佢做完個訪問,返到屋企有同我講有人咁樣問佢,嗰時我哋喺佢屋企食咗個lunch,之後就一齊去咗《Wind River》首映,(介唔介意佢唔公開你哋嘅關係?)好多外國人出名明星都唔會好公開關係,好似我見個導演,啲人就以為我同乜乜人有乜乜關係,我係乜乜人嘅Partner,我想做番自己,分清啲對大家都好啲。(關係再進一步?)如果多啲時間去羅省嘅話,都OK嘅。」

  對於她獲Jeremy邀請到美國睇首映後,有人在她們的合照上留言指她們是couple,婷婷表示並不知情,認為別人想點做點做,自己冇看到,而且她說現時甚少玩IG和FACEBOOK等社交網。


*城城做爸爸!楊采妮不敢打擾探望BB*←上一篇 │首頁│ 下一篇→*有合作?舒淇章子怡秀頭貼頭自拍照*