首頁 »
2017/10/05

*城城做爸爸!楊采妮不敢打擾探望BB*

城城做爸爸楊采妮不敢打擾探望BB





城城做老竇,老拍檔楊采妮話B女一定好靚!





不過依家唔會去探對方住。





費事打擾城城!





佢又話依家年紀大,唔打算追多個女~

  藝人楊采妮撇下六個月大的孖仔,獨自飛香港出席護膚品牌活動,透露此行逗留三日,昨晚為媽咪慶祝生日,又謂依家仲餵緊人奶,希望餵到一歲,問到孖仔點解唔同行?她說:「帶佢哋返嚟唔容易,年底先試,雖然新加坡飛香港三個幾鐘,但希望試試飛短途個幾鐘嘅先,之後想帶佢哋飛台灣見太婆。」

  問到好友郭富城做老竇,她表示他公布了才知:「相信一定好靚,同埋第時跳舞一定好叻,(將來對親家?)對親家就唔會,我有兩個,唔好爭,但大啲大家可以一齊玩。我有同佢講好好enjoy做新手爸爸過程。(有冇探佢?)冇,我係過來人,生完BB唔好打擾佢哋住,佢哋好攰,要好好休息。」提到孖仔,她透露兩個不單個樣完全唔同,性格亦唔一樣,至於至追個女?她說:「唔會啦,一嚟年紀大,而且都有2個,如果再生,佢兩個又想我抱,到時真係唔知點。」至於幾時復出?她說:「都好掛住拍戲,但太長時間暫時真係唔會,出活動就好啲,或者做吓幕後嘅嘢。」

關鍵字: 台灣 拍戲 探望 藝人

*出櫃遭打壓 蔡康永爆哭:我們不是妖怪*←上一篇 │首頁│ 下一篇→*謝婷婷不願公開鷹眼關係:外國明星是這樣*