首頁 »
2017/10/01

*熊黛林不肯祝福城城做爸爸:多我一個不多*

熊黛林不肯祝福城城做爸爸多我一個不多





熊黛林就話剩係會理老公嘅嘢,更加唔肯祝福城城(圈圖)!





佢就話自己都多嘢到理唔切,唔會有時間理其他人嘅事!





老公聽到應該冧到不得了。





熊黛林就話其實自己一直都係咁對啲前度!





絕對係一視同仁。





熊黛林身上嘅首飾好名貴!仲話老公都儲緊錢送畀佢。





熊黛林、郭可頌

  名模熊黛林(Lynn)晚上出席珠寶酒會時,提到舊愛郭富城榮升爸爸,Lynn會否送上祝福?Lynn帶寸說:「你哋祝福佢就夠,多一個唔多,少一個唔少。(B女似城城應該好靚女,想唔想睇吓?)冇乜想唔想!(唔好奇?)自己咁多嘢都理唔切,仲會理人哋啲嘢咩?(係咪以後凡係城城嘅嘢都唔多想理?)總之只會理老公(郭可頌)嘅嘢,第二啲人冇乜興趣。(老公聽到好冧?)等佢冧吓囉!(係老公意思定你意思?)我一向都係咁,唔係得一個EX(前度),個個係咁,一視同仁!(冇得做番朋友?)冇,完全冇聯絡,(因為個個分手都唔開心?)我性格係咁。(可以好絕?)係,睇唔出呢?」

  現場她配戴了一條價值超過7,000萬港元的鑽石頸鏈,單是主石重達40多卡,閃爆登場的她表示想據為己有,更笑謂笑老公正在儲錢中,她說:「自己擁有最大嘅鑽石就係求婚戒指,幾多卡唔緊要,最緊要心意。(如果生BB再送更大粒鑽石?)冇講生BB,老公話如果品牌賺到錢,買好大粒畀我,任我揀。(冇上限?)睇下賣成點,不過我會錫住佢荷包。」她透露與老公創立的運動品牌反應不俗,穿着起來視覺上身材更靚。她說稍後會出埠旅行叉電。而十月生日的Lynn,自爆不想收老公的驚喜禮物,她說:「通常係驚多過喜,男仔眼光唔同女仔,試過有次送咗份好唔同嘅禮物畀我,折禮物時我滴汗,忍唔住話『以後唔好畀驚喜我』。件禮物唔係我style,放咗喺一個地方當作紀念。」


*辦免費跳舞!蘇志威主動現身呼籲街坊*←上一篇 │首頁│ 下一篇→*李冰冰全祼支持「粉紅絲帶」*