首頁 »
2017/09/30

*找兒子接棒?甄子丹放話:不會給壓力他*

找兒子接棒甄子丹放話不會給壓力他





甄子丹話唔會壓力仔仔,等佢自己去揀。





甄子丹自認係family man。





覺得屋企係最重要。





甄子丹不時唱唱歌冧太太。





甄子丹大讚阿女有藝術天分。





甄子丹、仔仔





甄濟如(右)、甄濟嘉

  「宇宙最強」甄子丹於主演電影《追龍》內雖演反派,但與幾位結拜兄弟的感情線有情有義,加上為保護家人不顧一切,演出讓人動容。子丹直言自己有投放個人性格於角色之內:「(保護家人、朋友)呢個係中國人嘅傳統,我本身係family man、屋企最重要。我前後考慮咗4個月先決定接拍,係一次挑戰嚟嘅。劇本剛出,我就約幾位『兄弟』出嚟食飯先,其中甄家班出身嘅喻亢扮我啞巴兄弟,我覺得佢好有幕前演出天分!」

  情歌冧老婆

  除擔演男主角外,子丹今次有染指幕後,對音樂部份尤為着緊,就連選用樂器他也細心兼顧。原來他於家中不時會為太太汪詩詩唱情歌製造驚喜,又試過以對方英文名字「Cecilia」作歌。談到「前世情人」女兒甄濟如的藝術天分,子丹笑得開懷:「平日佢都怕醜㗎,不過佢一上到台就令我好震驚。其實又冇好似外界咁講,一定要佢大學畢業先可以入行,總之行行出狀元啦,但我哋一定唔會為佢舖路,要靠佢自己努力。」

  唔擔心阿女早熟拍

  子丹坦言由於家庭環境簡單,一對子女思想單純,故不擔心13歲女兒早熟拍拖,更打趣指9歲仔仔甄濟嘉至今間中會「很BB」冧爆他。至於會否打造仔仔成「甄子丹第二」,子丹表示:「打功夫型、做運動係好,但我唔會畀壓力佢。」

關鍵字: 挑戰 家庭 驚喜 反派

*遭盜名開Twitter 張達明發聲明澄清*←上一篇 │首頁│ 下一篇→*辦免費跳舞!蘇志威主動現身呼籲街坊*