首頁 »
2019/03/13

*開騷撞正祖藍侍產假?林欣彤:直播畀佢睇*

開騷撞正祖藍侍產假林欣彤直播畀佢睇





林欣彤笑言撞正就直播畀佢睇!





講到開騷,佢話最感動係冇人問佢拎免費飛!





Mag為咗養聲,受訪時細細聲回答。





問到生日有冇男友陪食飯慶祝,佢就即落閘!

  剛過28歲生日的歌手林欣彤(Mag)今日上電台宣傳即將於12月尾舉行的處女騷,為免已勞損的聲帶病情加劇,Mag於整個受訪都細細聲對答,表示現正養聲,如非工作都不會出聲,以留「聲」練歌。問到會唔會撞正老闆(王祖藍)侍產假?Mag笑話:「唔知喎!或者到時直播畀佢睇。」

  聞男友即落閘

  講到生日可有男友陪食飯慶祝?她即笑住「落閘」話冇男朋友:「細細個都覺得冇朋友同自己慶祝好慘,但依家唔覺,大個咗就覺得要自己嘅空間,冇人管好自由,今年都係同幾個朋友、屋企人食飯,好少搵一大班朋友慶祝,會驚照顧唔到佢哋咁多個。」

  冇人問攞免費飛

Mag又指現時都有為處女騷勤做運動:「會做瑜伽、游水。(咁到時咪可以着啲Sexy啲嘅衫?)呢Part未定。」講到出道8年終於開個唱,除了有好多人表示支持令她感到好開心外,Mag話最感動係冇人問佢拎免費飛:「佢哋話一定會買,真係好開心!(依家籌備情況?)所有班底都齊晒,大方向都知道,各個單位都消化緊自己部分,之後會再傾。」

  開騷睇Timing

  她透露今次主要唱自己歌:「咁多年嚟都儲咗好多歌,都唱唔晒。(會唔會覺得8年後先開到處女騷太遲?)冇話太遲太早,永遠有啱嘅Timing,唔可以咁計,唔會計係咪開好多個先係成功,只係計嗰一個有冇盡全力,只會睇當下。」


*47歲藤原紀香自信晒素顏 網友唔buy*←上一篇 │首頁│ 下一篇→*夠豪!舒淇傳逾1.27億購西半山複式戶*